———————————————————————————————————

Powèm yo se envokasyon 

entèpelasyon pou pwezi monte 

danse nan tèt nou.

—

Milokan trase pou rèv alagouy

vini danse djayi sou fèy blanch.

—

Pawoli yo se pousyè, sann layite

nan kat van.

—

Kwen kat fasad

kote lavi kase doble.

—

Epi noumenm pòv powèt

nou ye, mesaje nouvèl gaye

n ape pote.

—

Epi kè nou repozwa

vwa asòtò apre dans.

—

N ava wè yo

sa ki di byen 

sa ki di mal

zafè a yo.

—

Nan de nawè sou ti chèz ba

n ape founi je gade yo

k ape demele gèt yo.

———————————————

Manno EJÈN, depuis le Canada, Août 2024