————————————————————————————————————

Siwo dòja m

sonje nan dènye gouyad la

m te pote nan zòrèy ou

—

andikape se maleng

k ap file  lang

bay mouch avè

devan palè nasyonal

plen midi

—

se moso larezon sou do mòn

ki manje bab lorizon

lè Miskaden touye dwa moun nan letan

—

se souflantchou asogwe

Avoka  mòn

nan vann pwèl bay simtyè

—

tout priyè konnen

Pèleren se pwa grate

k ap konte kadav nan syèl

depi w nan dòmi sou galeri

se klou gagit k ap jwe

tanbou

nan festen w

nan dènye kwen lanmè

—

lè bawon leve

pou manje zosman w

w ap konprann

anba chak bak machann diri Monseyè Giyou

gen yon

grenn sandal regleman

k ap pote souf nan kòsay

madan Kolo

—

m renmen pwèl

se pou sa legim mwen

se nan kilòt ou m sere l

———————————————

Guillol VICIÈRE — Mèt Vèb, depuis Côtes-de-Fer, Haïti, Août 2025