———————————————————————————————————

Cheri

ou woule m nan toutouni w

san konnen poukisa gen jou

ki mache bwete

Mwen sispann viv ojoulejou

pou renmen w ak lalin ki leve

san adrès san ansèy

—

Mwen menm poliglòt bèbè

Mwen kontinye nan gras ou

ak tout chante m chante deja

k ap grandi nan pwop sèkèy yo.

—

Si paj blanch pa t bliye non l

ou ta ofri l yon kilòt cheri

pou l konnen chen kole fè lanmou pa do

E mwen avè w pa tann sezon sèch

pou trase liy pataj nou.

—

Cheri

se rivyè m moute ak latranblad

pou adore tete w tankou ti boul dlo lapli.

———————————————

Litainé LAGUÈRRE, depuis Port-au-Prince, Août 2025