---

Premye fwa nou kontre

M te vin tande w

E vwa w tou chame m

–

Lè je w tonbe nan je m 

Tout asirans mwen blayi

Yon nouvo woulo tou louvri

Renmen mwen 

Mennen mwen

–

Yon pikan pike m nan pye

Se deyès la ki fè m kilbite

Lannwit kou lajounen

Ou nan panse m

Renmen mwen

Mennen mwen

–

Lanmou gen anpil fòs menm jan ak lanmò

Mande jèn tifi po boule a

Ki t ap koze ak bèje a

–

Lanmou bèl anpil e li gen plis valè pase lò

Men li ka fè moun tò

–

Kidonk anvan van vante

Etenn flanm sa k ap danse sou dlo depi letènite

Vin nou fè yon ti vwayaj

Nan lonbraj lanmou

Renmen mwen 

Mennen mwen

---

Karine BELIZAR, depuis La France, décembre 2023