---

Si m reveye yon jan kagou

M priye yon zwazo chante 

pou I ede solèy la leve.

–

Si m pa kapab dòmi lannwit

M mande syèl la vin pi ba 

pou m selebride de zou twa nyaj.

–

Si m nan bezwen bwè yon ti dlo

M priye flè yo vin pi laj 

pou yo kenbe plis larouze.

–

Si m anvi wè ti moun fleri

M mande latè louvri janb li 

pou bay plis viv, pou bay plis fwi.

–

Si pou fini, m bezwen renmen

M priye kè m bat pi fò pou yo tande li toupatou.

---

---

René Philoctète, Cent poèmes créoles, revue conjonction, depuis Port-au-Prince, décembre 1992